സാഗര്‍മാല – ഡി.ഡി.യു-ജി.കെ.വൈ സംയോജനം, ഏകദിന ശില്‍പ്പശാല സംഘടിപ്പിച്ചു
കേന്ദ്ര തുറമുഖ, ഷിപ്പിങ്, ജലപാത മന്ത്രാലയത്തിന്റെ ആഭിമുഖ്യത്തില്‍ തുറമുഖ മേഖലാ വികസനത്തിനായി നടപ്പിലാക്കുന്ന ‘സാഗര്‍മാല’ പദ്ധതിയും കേന്ദ്ര ഗ്രാമവികസന മന്ത്രാലയവും കേരള സര്‍ക്കാരും സംയുക്തമായി നടപ്പിലാക്കുന്ന സൗജന്യ നൈപുണ്യ പരിശീലന പരിപാടിയായ ‘ദീന്‍ ദയാല്‍ ഉപാധ്യായ ഗ്രാമീണ കൗശല്യ യോജനയും (ഡി.ഡി.യു-ജി.കെ.വൈ)’ തമ്മിലുള്ള സംയോജനം സാധ്യമാക്കുന്നതിനെക്കുറിച്ചുള്ള ഏകദിന ശില്‍പ്പശാല സംഘടിപ്പിച്ചു. ഇന്ത്യയിലെ വിവിധ സംസ്ഥാനങ്ങളില്‍ തുറമുഖ വികസനം വരുമ്പോഴുണ്ടാകുന്ന പ്രതിമാസ ശമ്പളം ലഭിക്കുന്ന നിരവധി തൊഴിലവസരങ്ങള്‍ പ്രയോജനപ്പെടുത്താന്‍ തീരദേശത്തെ യുവതീയുവാക്കള്‍ക്ക് ആവശ്യമായ നൈപുണ്യശേഷി നല്‍കുകയാണ് പദ്ധതി സംയോജനത്തിലൂടെ ലക്ഷ്യമിടുന്നത്.കേരളത്തില്‍ പദ്ധതി മുഖേന 3000 പേര്‍ക്ക് പരിശീലനം നല്‍കുകയാണ് ലക്ഷ്യം. […]
കുടുംബശ്രീ സംരംഭകര്‍ക്ക് പരിശീലനം നല്‍കി
ഭക്ഷ്യോത്പന്ന നിര്‍മ്മാണ, സംസ്‌ക്കരണ മേഖലയില്‍ പ്രവര്‍ത്തിക്കുന്ന തിരുവനന്തപുരം ജില്ലയിലെ 120 കുടുംബശ്രീ സംരംഭകര്‍ക്ക് ഭക്ഷ്യ സുരക്ഷാ വകുപ്പ് പരിശീലനം നല്‍കി. ഈ മാസം 16,17 തീയതികളിലായി തൈക്കാട് ഭക്ഷ്യ സുരക്ഷാ ഭവനിലാണ് പരിശീലനം സംഘടിപ്പിച്ചത്.ഫുഡ് സേഫ്ടി ആന്‍ഡ് സ്റ്റാന്‍ഡേര്‍ഡ്‌സ് അതോറിറ്റി ഓഫ് ഇന്ത്യയുടെ ഫോസ്റ്റാക് (FoSTaC) സര്‍ട്ടിഫിക്കറ്റ് കോഴ്‌സിലുള്ള പരിശീലനമാണ് ഇവര്‍ക്കായി സംഘടിപ്പിച്ചത്. ഈറ്റ് റൈറ്റ് ചലഞ്ചിന്റെ ഭാഗമായാണ് ഈ പരിശീലനം.ശുചിത്വം, പായ്ക്കിങ്, ഈ രംഗത്ത് പിന്തുടരേണ്ട നല്ല രീതികള്‍ എന്നിങ്ങനെ വിവിധ വിഷയങ്ങളിലായിരുന്നു ക്ലാസ്സുകള്‍.
മാതൃകയാകാന്‍ ‘ടീം ബേഡകം’-രൂപീകരിച്ചിട്ട് 6 മാസം, സ്വന്തമാക്കിയത് 28 ഏക്കര്‍ കൃഷി ഭൂമി!
ഹൈടെക് ഫാമുകള്‍, ഹട്ടുകള്‍, കണ്‍വെന്‍ഷന്‍ സെന്ററുകള്‍, പരിശീലന കേന്ദ്രങ്ങള്‍, മാതൃകാ കൃഷിയിടങ്ങള്‍ എന്നിവയെല്ലാം ഉള്‍പ്പെടുന്ന ഒരു മാതൃകാ കാര്‍ഷിക ഗ്രാമം കാസര്‍ഗോഡ് ജില്ലയ്ക്ക് സമ്മാനിക്കാന്‍ ഒരേ മനസ്സോടെ ഒന്ന് ചേര്‍ന്നിരിക്കുകയാണ് അവർ 6000 അയല്‍ക്കൂട്ടാംഗങ്ങള്‍. ടീം ബേഡകം കുടുംബശ്രീ അഗ്രോ ഫാര്‍മേഴ്‌സ് പ്രൊഡ്യൂസര്‍ കമ്പനി എന്ന പേരിന് കീഴില്‍ വെറും ആറ് മാസങ്ങള്‍ക്ക് മുമ്പ് അണിചേര്‍ന്ന അവര്‍ ഈ ലക്ഷ്യത്തിനായി 28 ഏക്കര്‍ ഭൂമിയാണ് സ്വന്തമാക്കിയത്. വട്ടംതട്ടയിലെ ആനന്ദമഠത്തിലുള്ള തങ്ങളുടെ കമ്പനി സ്ഥലം ഈ മാസം 22ന് നടന്ന ആഘോഷകരമായ ചടങ്ങിൽ വൃത്തിയാക്കുകയും ചെയ്തു. ബേഡകത്തുള്ള 350 […]
നഗര ദാരിദ്ര്യ ലഘൂകരണ പദ്ധതിക്കായി കര്‍മ്മ പദ്ധതി ആസൂത്രണം – മാസ്റ്റര്‍ പരിശീലകര്‍ക്കുള്ള ദ്വിദിന സംസ്ഥാനതല പരിശീലനം സമാപിച്ചു
കുടുംബശ്രീയുടെ ആഭിമുഖ്യത്തില്‍ നഗര ദാരിദ്ര്യ ലഘൂകരണ പദ്ധതി(അര്‍ബന്‍ പോവര്‍ട്ടി റിഡക്ഷന്‍ പ്ളാന്‍-യു.പി.ആര്‍.പി) പ്രവര്‍ത്തനങ്ങള്‍ നടപ്പാക്കുന്നതുമായി ബന്ധപ്പെട്ട് 151 മാസ്റ്റര്‍ പരിശീലകര്‍ക്കായി 19,20 തീയതികളില്‍ സംസ്ഥാനതല പരിശീലന പരിപാടി സംഘടിപ്പിച്ചു. തിരുവനന്തപുരം മണ്‍വിള അഗ്രികള്‍ച്ചറല്‍ കോ-ഓപ്പറേറ്റീവ് സ്റ്റാഫ് ട്രെയിനിങ്ങ് ഇന്‍സ്റ്റിറ്റ്യൂട്ടിലായിരുന്നു പരിശീലനം. 93 നഗരസഭകളില്‍ നിലവില്‍ പ്രവര്‍ത്തിച്ചു വരുന്ന കമ്യൂണിറ്റി ഓര്‍ഗനൈസര്‍മാര്‍, സി.ഡി.എസ് ഉപസമിതി കണ്‍വീനര്‍മാര്‍ എന്നിവരില്‍ നിന്നുമാണ് മാസ്റ്റര്‍ പരിശീലകരെ തിരഞ്ഞെടുത്തത്. ഇവര്‍ വഴി എല്ലാ നഗര സി.ഡി.എസുകളിലെയും ഭരണ സമിതി അംഗങ്ങള്‍ക്കും വാര്‍ഡുകളില്‍ ഇതുമായി ബന്ധപ്പെട്ട […]
കുടുംബശ്രീ ഒരു നേര്‍ച്ചിത്രം’ ഫോട്ടോഗ്രഫി മത്സരം, അഞ്ചാം സീസണ്‍ : ഒക്ടോബര്‍ 13 വരെ എന്‍ട്രികള്‍ അയയ്ക്കാം
‘കുടുംബശ്രീ ഒരു നേര്‍ച്ചിത്രം’ ഫോട്ടോഗ്രഫി മത്സരത്തിന്റെ അഞ്ചാം സീസണിലേക്ക് എന്‍ട്രികള്‍ അയയ്ക്കാനുള്ള അവസാന തീയതി 2022 ഒക്ടോബര്‍ 13 വരെ നീട്ടി. കുടുംബശ്രീയുടെ വിവിധ പ്രവര്‍ത്തനങ്ങള്‍ പ്രതിപാദിക്കുന്ന ചിത്രങ്ങളാണ് മത്സരത്തിന് പരിഗണിക്കുക. അയല്‍ക്കൂട്ട യോഗം, അയല്‍ക്കൂട്ട വനിതകള്‍ നടത്തുന്ന ക്യാന്റീനുകളും കഫേകളും ഉള്‍പ്പെടെയുള്ള വിവിധ സംരംഭങ്ങള്‍, കാര്‍ഷിക പ്രവര്‍ത്തനങ്ങള്‍ എന്നിങ്ങനെ കുടുംബശ്രീയുമായി ബന്ധപ്പെട്ട നിരവധി വിഷയങ്ങള്‍ ആധാരമാക്കിയുള്ള ചിത്രങ്ങള്‍ മത്സരത്തിനയയ്ക്കാം. ഫോട്ടോകള്‍ kudumbashreeprcontest@gmail.com എന്ന ഇ-മെയില്‍ വിലാസത്തില്‍ അയയ്ക്കാം. അല്ലെങ്കില്‍ ഫോട്ടോകള്‍ വാട്ടര്‍മാര്‍ക്ക് ചെയ്യാതെ സിഡി-യിലാക്കിയോ ഫോട്ടോ പ്രിന്റുകളോ പബ്ലിക് […]
അയല്‍ക്കൂട്ടങ്ങള്‍ക്ക് വേഗത്തില്‍ ലിങ്കേജ് വായ്പാ വിതരണം: കുടുംബശ്രീയും യൂണിയന്‍ ബാങ്കും ധാരണാപത്രം ഒപ്പു വച്ചു
സംസ്ഥാനത്ത് കുടുംബശ്രീ അയല്‍ക്കൂട്ടങ്ങള്‍ക്ക് ലിങ്കേജ് വായ്പ വേഗത്തില്‍ ലഭ്യമാക്കുന്നതിന് യൂണിയന്‍ ബാങ്കും. പരമാവധി അയല്‍ക്കൂട്ടങ്ങള്‍ക്ക് വായ്പ ലഭ്യമാക്കുകയാണ് ലക്ഷ്യം. ഇതിനായി ബാങ്കുകള്‍ അതത് ജില്ലാമിഷനുകളില്‍ നിന്നും വായ്പ ആവശ്യമുള്ള അയല്‍ക്കൂട്ടങ്ങളുടെ വിവരങ്ങള്‍ ശേഖരിച്ചു കൊണ്ട് വായ്പാ വിതരണ പരിപാടി ഊര്‍ജിതമാക്കും. അയല്‍ക്കൂട്ടങ്ങള്‍ക്ക് പുതിയ അക്കൗണ്ടുകള്‍ തുറക്കുന്നതിനും ലിങ്കേജ് വായ്പ നല്‍കുന്നതിനും നിലവിലുള്ള നടപടിക്രമങ്ങളില്‍ ബാങ്ക് ഇളവ് വരുത്തും. കുടുംബശ്രീ എക്സിക്യൂട്ടീവ ഡയറക്ടര്‍ ജാഫര്‍ മാലിക്, യൂണിയന്‍ ബാങ്ക് ജനറല്‍ മാനേജര്‍ രവീന്ദ്ര ബാബു എന്നിവര്‍ ഇതു സംബന്ധിച്ച […]
ലക്കി ബില്‍ സമ്മാന പദ്ധതി- പ്രതിദിന വിജയികള്‍ക്ക് കുടുംബശ്രീ ഗിഫ്റ്റുകൾ
സംസ്ഥാന ജി.എസ്.ടി വകുപ്പിന്റെ ലക്കി ബില്‍ സമ്മാന പദ്ധതിയിലെ പ്രതിദിന വിജയികള്‍ക്കുള്ള സമ്മാനങ്ങള്‍ തയാറാക്കി നല്‍കി കുടുംബശ്രീയും. പ്രതിദിന വിജയികളാകുന്ന 50 പേരില്‍ 25 പേര്‍ക്കുള്ള ഗിഫ്റ്റ് ഹാംപറാണ് കുടുംബശ്രീ നല്‍കന്നത്. കുടുംബശ്രീ സംരംഭകരുടെ 10 ഉത്പന്നങ്ങളാണ് ഒരു ഹാംപറിലുണ്ടാകുക.കണ്ണൂര്‍ ബ്രാൻഡ് , അട്ടപ്പാടിയിലെ ഹില്‍ വാല്യു ബ്രാൻഡ് എന്നീ ബ്രാന്‍ഡ് ഉത്പന്നങ്ങള്‍ക്കൊപ്പം ഊര്‍ജ്ജശ്രീ ന്യൂട്രിമിക്സ് യൂണിറ്റിന്റെയും കുളിർമ യൂണിറ്റിന്റെയും ഉത്പന്നങ്ങളാണ് കുടുംബശ്രീ നല്‍കുന്ന ഗിഫ്റ്റ് ഹാംപറിലുള്ളത്. ഉത്പന്നങ്ങള്‍ പായ്ക്ക് ചെയ്ത് തയാറാക്കി, ജി.എസ്.ടി വകുപ്പ് നല്‍കുന്ന വിജയികളുടെ വിലാസത്തിലേക്ക് കുടുംബശ്രീ അയച്ചു നല്‍കുന്നു.സേവനങ്ങള്‍ സ്വീകരിക്കുമ്പോഴോ, സാധനങ്ങള്‍ വാങ്ങുമ്പോഴോ, ആഹാരം […]
‘സുദൃഢം-2022’: സമ്പൂര്‍ണ അയല്‍ക്കൂട്ട പ്രവേശന ക്യാമ്പയിനുമായി കുടുംബശ്രീ
കുടുംബശ്രീ സംഘടനാ ശാക്തീകരണത്തിന്റെ ഭാഗമായി കുടുംബശ്രീയുടെ നേതൃത്വത്തില്‍ സംഘടിപ്പിക്കുന്ന ‘സുദൃഢം-2022’ സംസ്ഥാനതല ക്യാമ്പയിനു തുടക്കമായി. കുടുംബശ്രീയില്‍ ഇതുവരെ അംഗമാകാത്തവരേയും അയല്‍ക്കൂട്ടങ്ങളില്‍ നിന്നു വിട്ടു പോയവരേയും കണ്ടെത്തി ഉള്‍ച്ചേര്‍ക്കുകയാണ് ലക്ഷ്യം. 1071 സി.ഡി.എസ്, 19,438 ഏരിയ ഡെവലപ്‌മെന്റ് സൊസൈറ്റികള്‍, 3,06,551 അയല്‍ക്കൂട്ടങ്ങളും ഇതില്‍ പങ്കാളികളാകും. ക്യാമ്പയിൻറെ ഭാഗമായി കുടുംബശ്രീ സംസ്ഥാന ജില്ലാ മിഷന്‍ ഉദ്യോഗസ്ഥര്‍, സി.ഡി.എസ് അദ്ധ്യക്ഷമാര്‍ പങ്കെടുത്ത യോഗത്തില്‍ എക്‌സിക്യൂട്ടീവ് ഡയറക്ടറുടെ നേതൃത്വത്തില്‍ പദ്ധതി വിശദീകരണം നടത്തി. പുതിയ അയല്‍ക്കൂട്ട രൂപീകരണം, പുതുതായി കടന്നു […]
കുടുംബശ്രീയെ പഠിച്ചറിഞ്ഞ് മൂന്ന് സംസ്ഥാനങ്ങളില്‍ നിന്നുള്ള പ്രതിനിധികള്‍
ഛത്തീസ്‌ഗഢ് , ഝാര്‍ഖണ്ഡ്, ബീഹാര്‍ എന്നീ സംസ്ഥാനങ്ങളിലെ ഗ്രാമീണ ഉപജീവന ദൗത്യം വിഭാഗം ഉദ്യോഗസ്ഥര്‍ കുടുംബശ്രീയെ അടുത്തറിയാന്‍ പഠന സന്ദര്‍ശനം നടത്തി. പ്രദാന്‍ എന്ന എന്‍.ജി.ഒയുടെ പ്രതിനിധികളും സംഘത്തിനൊപ്പമുണ്ടായിരുന്നു. എറണാകുളം ജില്ലയില്‍ നടത്തിയ ദ്വിദിന സന്ദര്‍ശനത്തിനിടെ കുടുംബശ്രീ സി.ഡി.എസ് ഓഫീസ്, ന്യൂട്രിമിക്സ് യൂണിറ്റ്, ജെന്‍ഡര്‍ റിസോഴ്സ് സെന്റര്‍, അയല്‍ക്കൂട്ടം, എ.ഡി.എസ് യോഗം, കാസ് ഓഡിറ്റിങ് പ്രവര്‍ത്തനങ്ങള്‍ എന്നിവ സംഘം കണ്ടറിഞ്ഞു. സന്ദര്‍ശനത്തിന്റെ മൂന്നാം ദിനമായ സെപ്റ്റംബര്‍ 16ന് കുടുംബശ്രീ സംസ്ഥാന മിഷന്‍ ഓഫീസിലെത്തിയ സംഘം വിവിധ പദ്ധതി പ്രവര്‍ത്തനങ്ങളുടെ ചുമതലയുള്ള […]
25 കുടുംബങ്ങള്‍ക്ക് വരുമാനമേകി കണ്ണൂരിൻറെ കോഫി കിയോസ്‌കുകള്‍
ജില്ലാ പഞ്ചായത്തുമായി കൈകോര്‍ത്ത് കോഫി കിയോസ്‌കുകളിലൂടെ 25 കുടുംബങ്ങള്‍ക്ക് വരുമാന മാര്‍ഗ്ഗം തുറന്നേകിയിരിക്കുകയാണ് കുടുംബശ്രീ കണ്ണൂര്‍ ജില്ലാ മിഷന്‍. ഗ്രാമങ്ങളിലെ ദരിദ്ര കുടുംബങ്ങള്‍ക്ക് ഉപജീവന അവസരം ഒരുക്കി നല്‍കാനുള്ള കണ്ണൂര്‍ ജില്ലാ പഞ്ചായത്തിന്റെ 2021-22 വാര്‍ഷിക പദ്ധതിയില്‍ ഉള്‍പ്പെടുത്തിയ പ്രോജക്ടാണ് കുടുംബശ്രീ കോഫി കിയോസ്‌കുകള്‍. ജില്ലയില്‍ അഞ്ച് കോഫി കിയോസ്‌കുകള്‍ സ്ഥാപിക്കാനാണ് ജില്ലാ പഞ്ചായത്ത് ലക്ഷ്യമിട്ടത്. ഓരോ യൂണിറ്റിലും അഞ്ച് കുടുംബശ്രീ വനിതകള്‍ക്കാണ് തൊഴിലവസരം ലഭിക്കുന്നത്. കിയോസ്‌ക് ഒന്നിന് 2.8 ലക്ഷം രൂപയാണ് (ആകെ 14 ലക്ഷം […]