അട്ടപ്പാടിയിലെ കൃഷിത്തോട്ടങ്ങളിൽ ഇനി സമ്പുഷ്ടീകരിച്ച മധുരക്കിഴങ്ങിന്‍ മാധുര്യവും ; പുനര്‍ജീവനം രണ്ടാംഘട്ടത്തിന് അതിഗംഭീര തുടക്കം
പരമ്പരാഗതമായി മധുരക്കിഴങ്ങ് കൃഷി ചെയ്യുകയും ആഹാരക്രമത്തില്‍ അത് ഭാഗമാക്കുകയും ചെയ്യുന്ന അട്ടപ്പാടിയിലെ തദ്ദേശീയ ജനവിഭാഗത്തിന്റെ കൃഷിയിടങ്ങളില്‍ ഇനി മുതല്‍ അത്യുത്പാദനശേഷിയുള്ള മധുരക്കിഴങ്ങ് വിളയും. കുടുംബശ്രീ കാര്‍ഷിക വിഭാഗമാണ് ഇന്ത്യന്‍ കാര്‍ഷിക ഗവേഷണ കൗണ്‍സില്‍ – കേന്ദ്ര കിഴങ്ങുവിള ഗവേഷണ കേന്ദ്രവുമായി (ഐ.സി.എ.ആര്‍ – സി.ടി.സി.ആര്‍.ഐ) സംയോജിച്ചുള്ള ശ്രദ്ധേയ പദ്ധതിയായ ‘പുനര്‍ജീവനം’ കാര്‍ഷിക സംരംഭകത്വ പരിശീലന പരമ്പരയിലൂടെ ഈ സുവര്‍ണ്ണ അവസരം ഒരുക്കി നല്‍കിയത്. പദ്ധതിയുടെ അട്ടപ്പാടിയിലെ രണ്ടാംഘട്ടത്തിന്റെ ഭാഗമായി അഗളി, പുതൂര്‍, കുറുമ്പ, ഷോളയൂര്‍ എന്നീ പഞ്ചായത്ത് സമിതികളില്‍ നിന്ന് തെരഞ്ഞെടുത്ത 40 കുടുംബശ്രീ കര്‍ഷകര്‍ക്ക് വിത്തുകളും നടീല്‍ വസ്തുക്കളും […]
‘ഹരിതസമൃദ്ധി’ ക്യാമ്പയിന്: സംസ്ഥാനത്തുടനീളം 1981.04 ഹെക്ടറിലായി കുടുംബശ്രീയുടെ ശീതകാല പച്ചക്കറി കൃഷി
കുടുംബശ്രീയുടെ നേതൃത്വത്തില്‍ ഒക്ടോബറില്‍ ആരംഭിച്ച ‘ഹരിതസമൃദ്ധി’ ശീതകാല പച്ചക്കറി കൃഷി ക്യാമ്പയിന് സംസ്ഥാനത്തുടനീളം ഊര്‍ജിതമാകുന്നു. നിലവില്‍ 1981.04 ഹെക്ടറിലാണ് ക്യാമ്പയിന്‍റെ ഭാഗമായി കൃഷി പുരോഗമിക്കുന്നത്. പ്രാദേശികതലത്തില്‍ ശീതകാല പച്ചക്കറി കൃഷിയ്ക്ക് പ്രോത്സാഹനം നല്‍കുന്നതിനൊപ്പം കര്‍ഷകരുടെ വരുമാന വര്‍ധനവും പോഷകാഹാര ലഭ്യതയും ഇതിലൂടെ ലക്ഷ്യമിടുന്നു. ജനുവരി വരെയാണ് ക്യാമ്പയിന്. നിലവില്‍ എല്ലാ ജില്ലകളിലുമായി 6073 വാര്‍ഡുകളില്‍ ശീതകാല പച്ചക്കറി കൃഷി സജീവമാണ്. ക്യാരറ്റ്, മുള്ളങ്കി, കോളി ഫ്ളവര്‍, കാബേജ് തുടങ്ങിയ ശീതകാല വിളകള്‍ക്കൊപ്പം വിവിധ വെളളരിവര്‍ഗങ്ങള്‍, പയര്‍, […]
കുടുംബശ്രീ ദേശീയ സരസ് മേളയുടെ പ്രചാരണം: ഏജന്‍സികളില്‍ നിന്നും അപേക്ഷ ക്ഷണിച്ചു
കുടുംബശ്രീയും ദേശീയ ഗ്രാമീണ ഉപജീവന മിഷനും സംയുക്തമായി ജനുവരി 20 മുതല്‍ 31 വരെ ചെങ്ങന്നൂരില്‍ സംഘടിപ്പിക്കുന്ന ദേശീയ സരസ് മേളയോടനുബന്ധിച്ച് വിവിധ പരിപാടികളുടെ പ്രചാരണത്തിനായി ഫോട്ടോ, വീഡിയോ, ബാനര്‍, പോസ്റ്റര്‍, ഫ്‌ളയര്‍, നോട്ടീസ്, പാംലെറ്റ്, കട്ടൗട്ട്, കൂപ്പണ്‍, റീല്‍, ട്രെയിലര്‍, ഷോര്‍ട്ട് വീഡിയോ, ലൈവ് സ്ട്രീമിങ്ങ്, ഓഡിയോ പോഡ്കാസ്റ്റ് തുടങ്ങിയവ സമയബന്ധിതമായി തയ്യാറാക്കുന്നതിന് ഡിസൈനര്‍മാര്‍, ഫോട്ടോഗ്രാഫര്‍മാര്‍, വീഡിയോഗ്രാഫര്‍മാര്‍, വീഡിയോ എഡിറ്റര്‍മാര്‍ എന്നിവരെ ലഭ്യമാക്കുന്നതിനായി ഏജന്‍സികളില്‍ നിന്നും അപേക്ഷ ക്ഷണിക്കുന്നു. സര്‍ക്കാര്‍, അര്‍ധ സര്‍ക്കാര്‍ ദേശീയ-അന്തര്‍ദേശീയ […]
മൂന്ന് പുരസ്‌ക്കാരങ്ങള്‍, ഐ.ഐ.ടി.എഫില്‍ താരം കുടുംബശ്രീ തന്നെ- 52.83 ലക്ഷം രൂപയുടെ വിറ്റുവരവും
ന്യൂഡല്‍ഹിയിലെ പ്രഗതി മൈതാനിയില്‍ നവംബര്‍ 14 മുതല്‍ 27 വരെ സംഘടിപ്പിച്ച ഇന്ത്യ ഇന്റര്‍നാഷണല്‍ ട്രേഡ് ഫെയറില്‍ (ഐ.ഐ.ടി.എഫ്) മൂന്ന് പുരസ്‌ക്കാരങ്ങള്‍ കുടുംബശ്രീ സ്വന്തമാക്കി. ഐ.ഐ.ടിഎഫിന്റെ ഭാഗമായി സംഘടിപ്പിച്ച സ്റ്റേറ്റ് ഫുഡ് കോര്‍ട്ടില്‍ കേരളത്തെ പ്രതിനിധീകരിച്ച കഫേ കുടുംബശ്രീ ഫുഡ്കോര്‍ട്ട് ഒന്നാം സ്ഥാനം സ്വന്തമാക്കി. ഐ.ഐ.ടി.എഫിനൊപ്പം കേന്ദ്ര ഗ്രാമവികസന മന്ത്രാലയം സംഘടിപ്പിച്ച ആജീവിക സരസ് മേളയില്‍ ഭക്ഷ്യമേഖലയില്‍ മറ്റ് എല്ലാ സംസ്ഥാനങ്ങളെയും പിന്നിലാക്കി കുടുംബശ്രീക്ക് വേണ്ടി തിരുവനന്തപുരം ജില്ലയിലെ കാര്‍ത്തിക ചിപ്സ് യൂണിറ്റ് ഒന്നാം സ്ഥാനം കൈവരിച്ചു. […]
അപ്മാസ് പുരസ്‌ക്കാരം ഏറ്റുവാങ്ങി കുടുംബശ്രീയുടെ സമൃദ്ധി & ബ്ലോസം അമൃതം ന്യൂട്രിമിക്സ് യൂണിറ്റ്
സ്വയം സഹായ സംഘങ്ങളുടെ ഫെഡേറേഷന്‍ (സി.ഡി.എസ്) പിന്തുണ നല്‍കി പ്രവര്‍ത്തിക്കുന്ന സംരംഭങ്ങളില്‍ ദേശീയതലത്തിലെ ഏറ്റവും മികച്ച സംരംഭം എന്ന ആന്ധ്രപ്രദേശ് മഹിളാ അഭിവൃദ്ധി സൊസൈറ്റി (അപ്മാസ്) പുരസ്‌ക്കാരം കുടുംബശ്രീയുടെ സമൃദ്ധി & ബ്ലോസം അമൃതം ന്യൂട്രിമിക്സ് യൂണിറ്റ് അംഗങ്ങള്‍ ഏറ്റുവാങ്ങി. തിരുവനന്തപുരം കോര്‍പ്പറേഷന്‍ കുടുംബശ്രീ സി.ഡി.എസ് 4ന് കീഴില്‍ വിഴിഞ്ഞത്താണ് ഈ സംരംഭം സ്ഥിതി ചെയ്യുന്നത്. നവംബര്‍ 22 ന് ഹൈദരാബാദില്‍ സംഘടിപ്പിച്ച ചടങ്ങില്‍ അപ്മാസ് സി.ഇ.ഒയും എം.ഡിയുമായ സി.എസ് റെഡ്ഡിയും മറ്റ് പ്രതിനിധികളും ചേര്‍ന്ന് സമൃദ്ധി […]
കുടുംബശ്രീ സര്‍ഗ്ഗം ചെറുകഥ രചനാ മത്സരം: രചനകള്‍ ക്ഷണിച്ചു
കുടുംബശ്രീയുടെ ആഭിമുഖ്യത്തില്‍ അയല്‍ക്കൂട്ട, ഓക്സിലറി ഗ്രൂപ്പ് അംഗങ്ങള്‍ക്കായി ‘സര്‍ഗ്ഗം-2024’ സംസ്ഥാനതല കഥാരചന മത്സരത്തിലേക്ക് രചനകള്‍ ക്ഷണിച്ചു. സമ്മാനാര്‍ഹമായ ആദ്യ മൂന്ന് രചനകള്‍ക്ക് യഥാക്രമം 20,000, 15,000, 10,000 എന്നിങ്ങനെ ക്യാഷ് അവാര്‍ഡും മെമന്‍റോയും സര്‍ട്ടിഫിക്കറ്റും ലഭിക്കും. 2500 രൂപ വീതം മൂന്ന് പ്രോത്സാഹന സമ്മാനങ്ങളും ഏര്‍പ്പെടുത്തിയിട്ടുണ്ട്. മികച്ച രചനകള്‍ അയയ്ക്കുന്ന 40 പേര്‍ക്ക് കുടുംബശ്രീ സംഘടിപ്പിക്കുന്ന ത്രിദിന സാഹിത്യ ശില്‍പശാലയില്‍ പങ്കെടുക്കാനുള്ള അവസരവും ലഭിക്കും. സാഹിത്യ മേഖലയിലെ പ്രമുഖര്‍ ഉള്‍പ്പെടുന്ന ജൂറിയായിരിക്കും സമ്മാനാര്‍ഹരെ കണ്ടെത്തുക. രചയിതാവിന്‍റെ പേര്, […]
സി.ഡി.എസ് അംഗങ്ങള്‍ക്ക് യാത്രാ ബത്ത: പൂവണിഞ്ഞത് കുടുംബശ്രീയുടെ ചിരകാല ആവശ്യം
സി.ഡി.എസ് അംഗങ്ങള്‍ക്ക് പ്രതിമാസം 500 രൂപ യാത്രാബത്ത അനുവദിച്ചു കൊണ്ടുള്ള സര്‍ക്കാര്‍ തീരുമാനത്തോടെ പൂവണിയുന്നത് കുടുംബശ്രീയുടെ ചിരകാല ആവശ്യം. കുടുംബശ്രീ നടപ്പാക്കുന്ന എല്ലാ ദാരിദ്ര്യനിര്‍മാര്‍ജന സ്ത്രീശാക്തീകരണ പ്രവര്‍ത്തനങ്ങളിലും നിര്‍ണായക സ്ഥാനം ഏറ്റെടുത്തുകൊണ്ട് സന്നദ്ധ പ്രവര്‍ത്തകരായി രംഗത്തുള്ള സി.ഡി.എസ് പ്രവര്‍ത്തകരെ സംബന്ധിച്ചിടത്തോളം വലിയ അംഗീകാരം കൂടിയാണിത്. 18,400 ഓളം വരുന്ന സി.ഡി.എസ് അംഗങ്ങള്‍ക്കായി പ്രതിവര്‍ഷം 11.02 കോടിയാണ് ഈ ഇനത്തില്‍ വിനിയോഗിക്കുന്നത്. കുടുംബശ്രീ മുഖേന നടപ്പാക്കുന്ന വിവിധ പദ്ധതികള്‍ താഴെത്തട്ടില്‍ കാര്യക്ഷമമായി നടപ്പാക്കുന്നതില്‍ മുഖ്യപങ്കു വഹിക്കുന്നവരാണ് ഓരോ വാര്‍ഡിലും […]
വെങ്ങപ്പള്ളി കേരളത്തിലെ ആദ്യ ഐ.എസ്.ഓ സര്‍ട്ടിഫൈഡ് കുടുംബശ്രീ സി.ഡി.എസ്
സ്ത്രീശാക്തീകരണ ദാരിദ്ര്യ നിര്‍മാര്‍ജനത്തിന് ലോകത്തിന് മാതൃകയായ കുടുംബശ്രീക്ക് വീണ്ടും അഭിമാന നേട്ടം. മാതൃകാപരമായ പ്രവര്‍ത്തനമികവിന് വയനാട് ജില്ലയിലെ വെങ്ങപ്പള്ളി സി.ഡി.എസിന് ഇന്റര് നാഷണല്‍ സ്റ്റാൻഡേർഡ് ഓപ്പറേഷന്‍ (ഐ.എസ്.ഓ) സര്‍ട്ടിഫിക്കേഷന്‍ അംഗീകാരം ലഭിച്ചു. സംസ്ഥാനത്ത് ഇതാദ്യമായാണ് കുടുംബശ്രീയുടെ കീഴില്‍ ഒരു സി.ഡി.എസിന് പ്രവര്‍ത്തന സേവന മികവിന്‍റെ അടിസ്ഥാനത്തില്‍ ഈ അംഗീകാരം ലഭിക്കുന്നത്. സ്ത്രീശാക്തീകരണത്തിലൂടെ ദാരിദ്ര്യ നിര്‍മാര്‍ജനമെന്ന ലക്ഷ്യം കൈവരിക്കുന്നതിനായി കേരള സര്‍ക്കാര്‍ രൂപം കൊടുത്ത ബൈലാ പ്രകാരമുള്ള എല്ലാ സേവനങ്ങളും കുടുംബശ്രീ മുഖേന ലഭ്യമാക്കിയതിനാണ് അംഗീകാരം. മൂന്നു വര്‍ഷമാണ് […]
ലിംഗവിവേചനത്തിനും ലിംഗാധിഷ്ഠിത അതിക്രമങ്ങള്‍ക്കുമെതിരേ ‘നയി ചേതന’ 3.0 ക്യാമ്പയിനുമായി കുടുംബശ്രീ
സമാപന ദിനമായ ഡിസംബര്‍ 23 ന് എല്ലാ സി.ഡിഎസിലും ജെന്‍ഡര്‍ കാര്‍ണിവല്‍ ദേശീയ ഗ്രാമീണ ഉപജീവന മിഷന്‍റെ നേതൃത്വത്തില്‍ നവംബര്‍ 25 മുതല്‍ ഡിസംബര്‍ 23 വരെ ഇന്ത്യയൊട്ടാകെ സംഘടിപ്പിക്കുന്ന ‘നയി ചേതന’ ജെന്‍ഡര്‍ ക്യാമ്പയിന് സംസ്ഥാനത്ത് കുടുംബശ്രീയുടെ നേതൃത്വത്തില്‍ എല്ലാ ജില്ലകളിലും തുടക്കമായി. ‘ലിംഗവിവേചനത്തിനും ലിംഗാധിഷ്ഠിത അതിക്രമങ്ങള്‍ക്കുമെതിരേ’ എന്നതാണ് ക്യാമ്പെയിന്‍റെ ഈ വര്‍ഷത്തെ ആശയം. സ്ത്രീകള്‍, വിവിധ ലിംഗവിഭാഗത്തിലുള്ള വ്യക്തികള്‍ എന്നിവര്‍ക്ക് വിവേചനങ്ങളും അതിക്രമങ്ങളും നേരിടാതെ സ്വന്തം അവകാശത്തില്‍ അധിഷ്ഠിതമായി നിര്‍ഭയം ജീവിക്കാനുള്ള സാഹചര്യം […]
ഐ.ഐ.ടി.എഫ്: ഡല്‍ഹിയിലും വൈറലായി ‘ബ്രാന്‍ഡഡ് ‘ കുടുംബശ്രീ
ന്യൂഡല്‍ഹിയിലെ പ്രഗതി മൈതാനിയില്‍ നവംബര്‍ 14ന് തുടക്കമായ ഇന്ത്യ ഇന്റര് നാഷണല്‍ ട്രേഡ് ഫെയറില്‍ (ഐ.ഐ.ടി.എഫ്) പതിവുപോലെ നിറസാന്നിദ്ധ്യമായി കുടുംബശ്രീ. അതില്‍ ശ്രദ്ധ നേടുന്നത് കുടുംബശ്രീയുടെ ബ്രാന്‍ഡഡ് ഉത്പന്നങ്ങളും! ഇന്ത്യ ട്രേഡ് പ്രൊമോഷന്‍ ഓര്‍ഗനൈസേഷന്റെയും കേന്ദ്ര ഗ്രാമവികസന മന്ത്രാലയത്തിന്റെയും ആഭിമുഖ്യത്തിലുള്ള മേളയിലെ കേരള പവലിയനില്‍ ഉത്പന്ന വിപണനത്തിനുള്ള കൊമേഴ്‌സ്യല്‍ സ്റ്റാളില്‍ കൊല്ലം, എറണാകുളം, കോട്ടയം, കണ്ണൂര്‍ ജില്ലകളില്‍ നിന്നുമുള്ള അയല്‍ക്കൂട്ടാംഗങ്ങളുടെ വിവിധ ഉത്പന്നങ്ങള്‍ അടങ്ങിയ രണ്ട് കുടുംബശ്രീ സ്റ്റാളുകളുണ്ട്. കൂടാതെ ഇതോടൊപ്പം നടക്കുന്ന ആജീവിക സരസ് മേളയില്‍ 5 […]